2020 оны 10-р сарын 28, 29-ны өдрүүдэд Улсын бүртгэлийн байгууллагын үүсэж хөгжсөний 80 жилийн ойг тохиолдуулан аймгийн Толбо, Дэлүүн сумдад “НЭЭЛТТЭЙ ХААЛГА”-ны өдөрлөг зохион байгуулав.
Өдөрлөгийг хэлтсийн дарга үг хэлж нээж, Улсын бүртгэлийн байгууллагын үйл ажиллагаа, шинээр нэвтрүүлсэн цахим үйлчилгээний талаар, Хяналтын улсын байцаагч хугацаатай бүртгэл, хугацаа хэтэрсэн тохиолдолд хэрхэн шийдвэрлэх, зөрчлөөс урьдчилан сэргийлэх талаар мэдээлэл хийж улсын бүртгэгч нар газар дээр нь бүртгэлийн үйлчилгээ үзүүлэв.
Нээлтийн арга хэмжээний хуралд Толбо суманд 130 иргэн, Дэлүүн суманд 110 иргэн хамрагдсанаас хуулийн этгээдийн эцсийн өмчлөгчийн нөхөн бүртгэл 29, эд хөрөнгийн эрхийн улсын бүртгэл 77, гадаад паспортын захиалга 6, иргэний улсын бүртгэлийн 80 иргэнд үйлчилгээ үзүүлсэн ба хөгжлийн бэрхшээлтэй, амьдралын хүнд нөхцөл байдалтай 53 иргэнийг хуулийн дагуу тэмдэгтийн хураамж, торгуулиас чөлөөлж бүртгэлд хамруулав.
Мөн шинээр гэр бүл болсон иргэдийн гэрлэлтийг улсын бүртгэлд бүртгэж, гэрлэсний баталгааг ёслол төгөлдөр гардуулав.
Цаашид ойн арга хэмжээг угтан “НЭЭЛТТЭЙ ХААЛГА”-ны өдөрлөгийг Алтай, Алтанцөгц, Баяннуур, Буянт, Өлгий сумдад зохион байгуулахаар төлөвлөн ажиллаж байна.
