2020 оны 11-р сарын 02, 03-ны өдрүүдэд Улсын бүртгэлийн байгууллагын үүсэж хөгжсөний 80 жилийн ойг тохиолдуулан аймгийн Буянт, Алтай сумдад “НЭЭЛТТЭЙ ХААЛГА”-ны өдөрлөг зохион байгуулав.
Өдөрлөгийн үеэр улсын бүртгэлийн байгууллагын үйл ажиллагаа, шинээр нэвтрүүлсэн цахим үйлчилгээ, бүртгэлд хугацаанд нь хамрагдах, зөрчлөөс урьдчилан сэргийлэх талаар мэдээлэл өгч, эд хөрөнгийн эрхийн улсын бүртгэл, хуулийн этгээдийн эцсийн өмчлөгчийн нөхөн бүртгэлийн үйлчилгээг газар дээр нь хүргэн ажиллав.
Нээлтийн арга хэмжээний хуралд Буянт суманд 75 иргэн, Алтай суманд 70 иргэн хамрагдав. Эрх зүйн чадамжгүй, хөгжлийн бэрхшээлтэй, цэргийн алба хааж ирсэн иргэдийг хуулийн дагуу торгуулиас чөлөөлж бүртгэлд хамруулав.
Мөн шинээр гэр бүл болсон иргэдийн гэрлэлтийг улсын бүртгэлд бүртгэж, гэрлэсний баталгааг ёслол төгөлдөр гардуулав.
