Улсын бүртгэлийн байгууллагын үүсэж хөгжсөний 80 жилийн ойг тохиолдуулан Өлгий сумын иргэний танхимд “НЭЭЛТТЭЙ ХААЛГА”-ны өдөрлөг зохион байгуулав.
Өдөрлөгт хэлтсийн дарга Т.Заманбек, Хяналтын улсын байцаагч А.Еркегүл, Хуулийн этгээдийн улсын бүртгэгч С.Арман, Мэдээллийн технологийн ажилтан Т.Батырхан, Өлгий сум хариуцсан улсын бүртгэгч О.Алтанцэцэг, М.Роза нар оролцлоо.
Улсын бүртгэлийн байгууллагын үйл ажиллагаа, шинээр нэвтрүүлсэн цахим үйлчилгээ, хугацаатай бүртгэл, хугацаа хэтэрсэн тохиолдолд хэрхэн шийдвэрлэх, зөрчлөөс урьдчилан сэргийлэх, хуулийн этгээдийн эцсийн өмчлөгчийг нөхөн бүртгүүлэх талаар мэдээлэл хийж улсын бүртгэгч нар газар дээр нь бүртгэлийн үйлчилгээ үзүүлэв.
Өдөрлөгийн арга хэмжээнд 102 иргэн оролцож, 71 иргэнд бүртгэлийн үйлчилгээ үзүүлснээс хөгжлийн бэрхшээлтэй, амьдралын хүнд нөхцөл байдалтай иргэнийг хуулийн дагуу тэмдэгтийн хураамж, торгуулиас чөлөөлж бүртгэлд хамруулав. 2020 оны төрсний бүртгэлийн 999,1000 дахь дугаарт бүртгүүлсэн шинээр төрсөн хүүхдийн төрсний гэрчилгээ, шинээр гэр бүл болсон хосуудын гэрлэлтийн гэрчилгээ, иргэний бичиг баримтгүй байсан Өлгий сумын 4-р багийн иргэн Д.Эрдэнэчимэгийг бичиг баримтжуулан ёслол төгөлдөр гардуулж өгөв.
Энэхүү зохион байгуулсан “НЭЭЛТТЭЙ ХААЛГА”-ны өдөрлөгийг Өлгий сумын ЗДТГ болон оролцсон иргэд сайшаан, ажлын амжилт хүсэж, баярлаж талархсанаа илэрхийлэв.
