2020 оны 11-р сарын 05, 06-ны өдрүүдэд Улсын бүртгэлийн байггууллагын үүсэж хөгжсөний 80 жилийн ойг тохиолдуулан аймгийн Алтанцөгц, Баяннуур сумдад “НЭЭЛТТЭЙ ХААЛГА”-ны өдөрлөг зохион байгуулав. Уг өдөрлөгт хэлтсийн дарга, хяналтын улсын байцаагч, хуулийн этгээдийн улсын бүртгэгч, иргэний улсын бүртгэгч, эд хөрөнгийн эрхийн улсын бүртгэгч нарын 6 хүний бүрэлдэхүүнтэй ажилласан.
Өдөрлөгийг хэлтсийн дарга үг хэлснээр нээж, Улсын бүртгэлийн байгууллагын үйл ажиллагаа, шинээр нэвтрүүлсэн цахим үйлчилгээ, хугацаатай бүртгэл, хугацаа хэтэрсэн тохиолдолд хэрхэн шийдвэрлэх, зөрчлөөс урьдчилан сэргийлэх, хуулийн этгээдийн эцсийн өмчлөгчийг нөхөн бүртгүүлэх талаар мэдээлэл өгч, улсын бүртгэгч нар ажлын 8 цагт газар дээр нь иргэн, эд хөрөнгө, хуулийн этгээдийн бүртгэлийн үйлчилгээг үзүүлэв.
Нээлтийн арга хэмжээний хуралд Алтанцөгц суманд давхардсан тоогоор 70 иргэн, Баяннуур суманд 80 иргэн хамрагдав. Алслагдмал сумдыг зорьж, газар дээр нь ирж үйлчилгээ үзүүлсэнийг ард иргэд сайшааж, ажлын амжилт хүсэн талархал илэрхийлэв.
