Улсын бүртгэлийн байгууллагад бие сэтгэл, хөдөлмөрөө зориулан цаасан дээрх бүртгэлээс цахим хэлбэрт шилжсэн 80 жилийн түүхийн нэгээхэн хэсгийг бичилцэж, төр түмнийхээ төлөө үнэнчээр хүчин зүтгэж, төр иргэн хоёрыг холбосон гүүр нь болж ажиллаж байсан үе үеийн ахмадууд, мэдлэг чадвар, хичээл зүтгэлээ дайчлан ажиллаж байгаа ажилтан, албан хаагч Та бүхэнд Монгол Улсад улсын бүртгэлийн байгууллага үүсэж хөгжсөний 80 жилийн ой, “Улсын бүртгэлийн ажилтны өдөр”-ийн баярын халуун мэндийг дэвшүүлье.
Бүртгэлийн үйлчилгээг иргэн бүрд хүртээмжтэй, шуурхай, чирэгдэлгүйгээр хүргэж үйлчлэхэд улсын бүртгэлийн байгууллагын нийт ажилтан, албан хаагч Та биднээс ихээхэн хамаарна. Энэхүү түүхэн өдрийг тохиолдуулан Та бүхэндээ чин сэтгэлийн халуун мэндчилгээ дэвшүүлж, эрүүл энх, аз жаргал, амжилт бүтээлийн дээдийг хүсэн ерөөе.
Баян-өлгий аймаг дахь Улсын бүртгэлийн хэлтсийн дарга Т.Заманбек
2020.11.23
