Монгол улсын Засгийн газар, Улсын Онцгой комиссын шийдвэрээр бүх нийтийн бэлэн байдлын зэрэгт шилжиж, Улаанбаатар хот, зарим аймгуудад /Covid-19/ халдварт өвчний батлагдсан тохиолдол бүртгэгдсээр байна.
Үүнтэй холбогдуулан аймгийн Засаг дарга, Онцгой Комиссын даргын Уриалгыг дэмжиж Улсын бүртгэлийн байгууллагын 80 жилийн ойн өдөр буюу өнөөдөр Баян-Өлгий аймаг дахь Улсын бүртгэлийн хэлтсийн албан хаагчид үүрэг хариуцлагаа өндөржүүлж, нийгмийн хариуцлагаа ухамсарлан, халдварт өвчтэй тэмцэх, хүнд нөхцөлд үүрэг гүйцэтгэн ажиллаж буй төрийн албан хаагч нарынхаа эрүүл мэндийг дэмжих зорилгоор Аймгийн онцгой комисст 500,000 төгрөг, 200 ширхэг амны хаалт хандивлалаа.
Засаг дарга бөгөөд Онцгой Комиссын даргын Уриалгыг дэмжиж Эх орон, элгэн садан, хайртай бүхнийхээ эрүүл энхийн төлөө, нийгмийн хариуцлагаа ухамсарлаж төрийн болон төрийн бус байгууллага, аж ахуйн нэгжүүдийг нэгдэхийг УРИАЛЖ байна.
