Өнөөдөр тус хэлтсээс Улсын бүртгэлийн ерөнхий хууль, бусад хууль эрх зүйн актын хүрээнд анхаарах асуудлуудын талаар зөвлөмж чиглэл өгөх, зөрчлөөс урьдчилан сэргийлэх, хамтын ажиллагааг сайжруулах зорилгоор цахим сургалт зохион байгуулав.
Сургалтад 13 сум, 1 тосгоны шинээр томилогдсон Иргэдийн төлөөлөгчдийн хурлын дарга, Засаг дарга нар болон Тамгын газрын дарга, улсын бүртгэгчид хамрагдав.
- Хэлтсийн дарга Т.Заманбек Улсын бүртгэлийн үйл ажиллагаа, хууль тогтоомжийн хэрэгжилт цаашид анхаарах асуудлууд, сумдын удирдлагатай хамтын ажиллагааны тухай,
- Хяналтын улсын байцаагч А.Еркегүл Улсын бүртгэлийн хууль тогтоомжийг зөрчих зөрчил, гэмт хэргээс урьдчилан сэргийлэх тухай
- Иргэний улсын бүртгэлийн тасгийн дарга бөгөөд улсын ахлах бүртгэгчД.Аманбек 2021 оны Монгол Улсын Ерөнхийлөгчийн ээлжит сонгуулийн тухай
- Хуулийн этгээдийн улсын бүртгэгч С.Арман Хуулийн этгээдийн эцсийн өмчлөгчийн бүртгэлийн тухай мэдээ мэдээлэл өгсөн.
Энэхүү сургалт нь цаг үеэ олсон сургалт болсон талаар сумдын удирдлагууд сэтгэгдлээ илэрхийлж, улирал тутам зохион байгуулж, цаашид хамтран ажиллахаар тохиролцов.
Онлайн уулзалтын дараа сумдын удирдлагын асуултанд хариулж, санал солилцов.
