Ард иргэдэд хамгийн ойр байж, төрийн ажил үйлчилгээг иргэдэд хурдан шуурхай хүргэж, төр иргэн хоорондын гүүр болон ажилладаг хүмүүс бол багийн Засаг дарга нар байдаг. Тэгвэл Сагсай суманд шинээр томилогдсон багийн Засаг дарга нартай уулзаж, Улсын бүртгэлийн талаар ерөнхий ойлголт, мэдээ мэдээлэл өгч, иргэдээ хуулийн хугацаанд Улсын бүртгэлд хамруулах талаар хамтран ажиллахаар ярилцав. Үүнд 2022 онд 16 насанд хүрч биеийн давхцахгүй өгөгдлийн бүртгэлд шинээр бүртгүүлж иргэний үнэмлэх анх удаа авах, 25, 45 насны иргэний үнэмлэхийн хүчинтэй хугацааны сунгалт хийлгэх иргэдийн судалгааг сумын хэмжээнд баг тус бүрээр нь гаргаж, багийн Засаг дарга нарт хүлээлгэн өгч тухай бүр мэдэгдэж, урилга өгч, иргэдийг хуулийн дагуу тогтоосон хугацаандаа бүртгэлд хамруулан ажиллах талаар нягт хамтран ажиллахаар болов.
