Залуу үеийнхэнд эх оронч сэтгэлгээг бий болгох, шударга амьдарч, хөдөлмөрлөж, төр түмнээ эрхэмлэн дээдлэн, түүх соёлоороо бахархах үзлийг төлөвшүүлэх зорилготой “Монгол Улсын Иргэний Андгай Өргөх Ёслол” өнөөдөр буюу 11 сарын 25-нд Аймгийн ЗДТГ-ын Хурлын зааланд ёслол төгөлдөр болж өнгөрлөө.
Энэхүү ёслолын үйл ажиллагааг Гэр бүл, хүүхэд, залуучуудын хөгжлийн газартай хамтран Монгол Улсын Ерөнхий сайдын ивээл дор 20 дахь жилдээ зохион байгуулж байгаа билээ.
Өнөөдрийн энэхүү үйл ажиллагаанд аймгийн ТЗУХ-ийн дарга Д.Ербол, ГБХЗХГ-ын дарга Х.Пернгүл, Улсын бүртгэлийн хэлтсийн дарга Х.Амангүл нар оролцож 16 настнууддаа хандан чин сэтгэлийн үгээ хэлж, баяр хүргэн иргэний үнэмлэх, батламжийн хамт гардуулан өглөө.
Монголын бахархлын өдөр буюу Их Эзэн Чингис Хааны мэндэлсэн өдрийг тохиолдуулан улс орон даяар зохион байгуулж уг үйл ажиллагаанд тус аймгийн сургуулиудын төлөөлөл болсон 25 сурагч оролцсон юм.
.jpg)
