Салбар дундын ажлын уялдааг нэмэгдүүлэх, Гэр бүл, хүүхэд, залуучуудын талаар төрөөс баримталж буй бодлого, шийдвэрийн хэрэгжилтийг хангах, 2023 оны эхний улирлын байдлаар гэр бүл, хүүхэд, залуучуудын чиглэлээр хийж хэрэгжүүлсэн үйл ажиллагаа, статистик тоо мэдээнд дүн шинжилгээ хийж, цаашид олон талт хамтын ажиллагааг бэхжүүлэх зорилгоор Аймгийн Гэр бүл, хүүхэд, залуучуудын газартай “ХАМТЫН АЖИЛЛАГААНЫ САНАМЖ БИЧИГ” байгууллаа.
Хамтын ажиллагааны хүрээнд:
1. Гэр бүл, хүүхэд, залуучуудын талаарх төрийн бодлого, хууль тогтоомж, төсөл хөтөлбөрийн хэрэгжилтийг хангах, сурталчлах.
2. Гэр бүлийн хөгжлийг дэмжих, боловсрол олгох, нийгмийн үйлчилгээний хүрээг өргөжүүлэх, байгууллагуудын салбар дундын зохицуулалтыг хангах, байгууллагын дэргэдэх “Эцэг эхийн зөвлөл”-ийн үйл ажиллагааг эрчимжүүлэх, арга зүйн дэмжлэг үзүүлэх.
3. Сумдын Хамтарсан баг, Хүүхдийн төлөө зөвлөлийн үйл ажиллагааг эрчимжүүлэх, арга зүйн дэмжлэг үзүүлэх.
4. Хүүхдийн эрхийг хангах, эрх нь зөрчигдөхөөс урьдчилан сэргийлэх, хүүхэд хамгаалал, хөгжил оролцоог дэмжсэн сургалт, мэдээлэл, нөлөөллийн хамтын ажиллагааг өргөжүүлэх.
5.”Хүүхэд хамгааллын бодлого” боловсруулж, хэрэгжүүлэх.
6. Залуучуудын хувь хүний хөгжил, хөдөлмөр эрхлэлт, боловсрол, соёл, урлаг, спорт, шинжлэх ухаан, эрүүл мэнд, аюулгүй амьдрах хөгжих орчин нөхцлийг дэмжих чиглэлээр хамтын ажиллагааг өргөжүүлэх.
7. Залуучуудын хөгжлийн зөвлөл байгуулах, зөвлөлөөр дамжуулан залуучуудын хөгжил, оролцоог дэмжих талаар хамтарч ажиллахаар боллоо.
