Монгол Улсын Засгийн газрын урт хугацааны “Алсын хараа-2050” дунд хугацааны “Шинэ сэргэлтийн бодлого”, “Хөдөөгийн сэргэлт” бодлогын хүрээнд “Нээлттэй Баян-Өлгий-2023” эдийн засгийн чуулга, уулзалтыг Баян-Өлгий аймгийн Өлгий хотод өнөөдөр /2023.11.23/ зохион байгуулж байна.
Хөгжимт драмын театрын танхимд Сумууд, Төрийн байгууллагууд үйл ажиллагаагаа танилцуулж байгаагаас гадна жижиг дунд үйлдвэрлэл, Музейн үзмэрүүд, Хадны сүг зургийн үзүүлэн, аялал жуулчлалын үзэсгэлэн зохион байгуулагдаж байна.
Чуулга, уулзалт Монгол улсын урлагийн гавьяат зүтгэлтэн, ардын уран зохиолч Б.Ахтаны “Бүргэд” найраглалаас сэдэвлэн бүтээсэн Монгол улсын гавьяат зүтгэлтэн, ардын уран зохиолч Р.Шынайн “Бүргэд” драмын жүжгээр эхэллээ.
