Аймаг, нийслэл, сум, дүүргийн иргэдийн Төлөөлөгчдийн Хурлын сонгуультай холбоотой хууль тогтоомжийн хэрэгжилтийг хангах ажлын хүрээнд итгэмжлэгдсэн ажилтнуудад зориулсан программын болон эрх зүйн сургалтыг батлагдсан хөтөлбөр, хуваарийн дагуу зохион байгууллаа.
Сургалтад ээлжит сонгуулийн үеэр тус аймгийн хэсгийн хороодод ажиллах 101 итгэмжлэгдсэн ажилтнууд хамрагдлаа.
Итгэмжлэгдсэн ажилтнуудад сонгуулийн санал авах өдөр сонгогчийн бүртгэлийг нягтлан шалгах, сонгогчийн бүртгэлийн программ хангамж, тоног төхөөрөмжийн ашиглалтын талаар мэдээлэл өгч, программын дадлага олгох сургалтыг зохион байгуулж, мөн сонгогчдын нэрийн жагсаалтыг хэвлэж, баталгаажуулах, программыг түгжих, битүүмжлэн лацдах ажлууд хийгдлээ.
